Om te emigreer, beteken nie dat jy jou burgerskap verloor
nie. Dis net ‘n formele kennisgewing aan die Suid-Afrikaanse regering dat jy
nie meer belastingpligtig is nie.
Daar is baie Suid-Afrikaners wat deesdae in die buiteland
woon,salig onbewus van die feit dat hulle ‘n belegging of twee agterlaat het en
die geld wettig aan hulle verskuldig is. Is jy een van daardie gelukkige visse?
Onthou jy nog die laaste woorde op jou lang to do-lysie voor
jy die land uit is? Mop al die klein
goete op. En toe jy hier aanland, is jou nuwe land se lysie so lank dat jy
al lankal van die mop vergeet het.
In toeka se dae was
daar ‘n tyskrifrubriek, Vra maar, Anna
Malan sal help. Wel ek’s nou nie sy nie maar in die volgende paar uitgawes
van Merise gaan ek jou help om uit te
vind of jy een van die gelukkiges is wat ‘n vergete neseiertjie het wat na jou
verlang. Ek verduidelik ook hoe mense te
werk moet gaan om nie te veel kostes aan te gaan, belasting te betaal of enige
risiko’s te loop nie.
Het jy geweet dat jou Suid-Afrikaanse uittree-annuïteit
nou voor die ouderdom van 55 kan uikeer en oorbetaal? Het jy dalk ‘n opbetaalde
annuïteit
wat eintlik likied is? Min mense weet dat Suid-Afrikaanse wetgewing in 2008
aangepas is en nou voorsiening daarvoor maak dat jy nou vroeër
voordeel uit annuïteitbeleggings kan trek.
Die meesete migrante is skepties om formeel te emigreer,
maar dis uit onkunde. Om te emigreer, beteken nie dat jy jou burgerskap verloor
nie. Dis net ‘n formele kennisgewing aan die Suid-Afrikaanse regering dat jy
nie meer belastingspligtig is nie. Wie wil nou in twee lande aangeslaan word
vir belasting?
Daar is heelparty goeie redes om amptelik te emigreer. Maak
net seker dat jy die regte advies kry wat spesifiek betrekking het op jou
situasie, byvoorbeeld:
Erfporsies: Dit
is ‘n bron van inkomste waarna ‘n mens nie regtig uitsien of waarop jy
staatmaak nie, want dit hou verband met die verlies van dierbares en geliefdes.
Dit is egter sinvol om jou belastingstatus agtermekaar te kry om die
onaangename realiteit van boedelbelasting en beredderingskostes te vermy. Dan
praat ons nie eens van die ergerlikheid van die onvermydelike valutabeheer en
burokratiese frustrasie nie. Dit is belangrik om jou sake vroegtyding in orde
te kry en sodoende die moontlikheid van ‘n ‘bevrore erfporsie’ en onnodige
belastingverpligting te voorkom.
Boedelbeplanning
is ‘n voël
van ander vere- vir sowel die testateur as die bevoordeeldes wat ‘buite die
landsgrense’ woon. Hierdie is ‘n dissipline op sy eie wat ek in ‘n latere
uitgawe sal uitklaar. Dink intussen solank aan jou eie situasie, sonder ‘n
gewete-eerder uit respek vir die testateur se laaste wense.
Dis nou maar net so dat ‘n lewensdekking in Suide-Afrika baie meer kos as in Australië
en sommer ‘n groot hap uit jou rande vat. My voorstel? Maak ‘n punt daarvan om
professionele advies te kry. Dit is in jou eie belang.
Stof tot nadenke: Jou
Australiese testament het geen invloed of beheer oor jou Suid-Afrikaanse bates
nie. Die eenvoudige oplossing? ‘n Testament vir elke land. Pas egter op vir die
boedelbelastingstrik! Jou opsies? Onthou, ‘n Australiese boedel betaal nie
boedelbelasting nie en bied geweldige kostebesparings. Die inherente voordele
vir ergename is eindeloos – vanuit ‘n finasiële sowel as ’n emosionele
perspektief.
PPS-lede (Professional
provident Society) moet twee keer dink voordat hulle hul dekking en
beleggings kanselleer, want daar is die kwessie van surplusverdelings. So ‘n
kansellasie kan groot verliese vir jou en jou familie inhou. Die oplossing? Kry
professionele advies rakende jou spesifieke situasie.
‘n Vorige werkgewer kon persioenfonds-surplusuitbetalings
aan jou gemagtig het, maar hoe sou jy dit weet? Vroeër jare het werkgewers die reg
voorbehou om hul bydrae terug te hou indien jy voor aftrede sou bedank.
Wetgewing maak dit nou verpligtend vir surpluses om terugwerkend uitbetaal te
word, selfs al is jy nie meer in diens nie. In ‘n volgende uitgawe sal ons
gesels oor die versekeringsmaatskappye wat moontlik geld verskuldig is aan jou.
Die laaste woord: Moet nooit finasiële besluite neem sonder om ‘n professionele
persoon te raadplaag nie. Daar is eenvoudig te veel op die spel en niemand wil finansiële
verliese ly nie.
Vir gratis professionele advies en ‘n relevante oorsig van
jou spesifieke posisie, kontak
No comments:
Post a Comment